DE NINGHURES NO SOFÍA

O alumnado de sexto recibiu a visita onte de dous integrantes (Hadrian e Cataqui) do grupo De Ninghures, aos cales entrevistaron preguntándolles sobre a súa formación musical, o grupo, o tipo de música que escoitan e realizan, os plans de futuro.... 

Ademais, tamén tiveron tempo de bailar e cantar algunhas das súas cancións máis coñecidas e traballadas na aula.

VISITOUNOS ALBERTO SEOANE

 Onte o alumnado de quinto tivo a gran sorte de poder entrevistar a Alberto Seoane, deportista Paralímpico na modalidade de tenis de mesa.

Se tes ganas de entrenar con Alberto non deixes de ver este vídeo:

E para saber máis cousas sobre el mira a súa páxina web.

GRAZAS ALBERTO!

ATA SEMPRE, PROFE SUSY!

Despois de toda unha vida adicada aos pequenos/as, mañán é o último día de traballo da profe Susy e o alumnado de quinto fíxolle unha entrevista como homenaxe.

Pinchade na foto e veredes os detalles no blog de quinto.

GRACIAS PROFE SUSY!!!!

SHEYLA FARIÑA NO COLE

O pasado xoves, o alumnado de quinto e sexto estivo a falar con esta fantástica actriz.

Sheyla Fariña, protagonista de series como "Valderrei", "Acacias 38","Serramoura"... tamén participou en "La piel que habito",  "El club de la calceta", "Pradolongo"...

Sheyla tamén se adica ao teatro e actualmente traballa na compañía Redrum Teatro en obras como "Invisibles", "Contos do recreo" ou "Roedores"

Ensinounos un guión, falounos de como é a vida dunha actriz, das súas aspiracións, do seu traballo, dos premios e da importancia de adicarse ao que a un máis lle gusta.

O alumnado, pola súa banda, quedou fascinado, non só polo que contou coas palabras, senón tamén pola súa forma de falar, os seus movementos, os acenos, as miradas...

 

Dende aquí, aproveitamos para darlle a noraboa polos 3 premios María Casares que recolleron o xoves pola súa obra "Invisibles" de Redrum teatro. 

E tan encantados quedaron os nenos e nenas, que o alumnado de quinto, nada máis rematar a charla subiron á aula e compuxeron un poema para ela:

 Moitas grazas Sheyla por achegarnos un pouquiño ao mundo da interpretación!!!