CLUB DE LECTURA DE FAMILIAS

 A pesares da gran cantidade de baixas que tivemos onte, pasamos unha tarde do máis agradable xunto á autora, María Rei Vilas.

O libro trata sobre Camila, que  viviu durante décadas unha mentira sostida coa complicidade dos que a rodean. No seu regreso á vila de Briana, no verán de 1987, deberá reunir o valor para enfrontarse á verdade. Alí, Antón, o ferreiro artista, pechouse no seu mundo, a arrastrar a dor e a culpa dos que non souberon ver como o mal se estendía ata que foi demasiado tarde. A visita da súa neta, Helia, vivo retrato da avoa, daralle azos para contar o que durante tantos anos calou. María Rei Vilas debuta na novela cunha historia en que a intriga asolaga tanto o persoal coma o colectivo, cun destacado protagonismo das mulleres, uns personaxes inesquecibles e unha trama onde as vítimas silenciadas poden procurar, polo menos, unhas pingas de xustiza. Aurora, Olga, Nidia… son as flores de ferro desta historia. Pero hai máis. Houbo moitas máis.

É un libro escrito con moito agarimo, onde os detalles están moi coidados e as tramas entrelázanse ata facernos ver que todo o que a autora nos conta ten moito de verdade.

Queremos darlle as grazas a María, por achegarse ao noso cole e falarnos de como xestou o libro, das súas emocións, por conectarnos coa realidade e contarnos a parte autobiográfica do mesmo. Grazas tamén por mostrarte tan cercana e por crear un ambiente tan agradable que parecía que nos coñecíamos de toda a vida. Foron dúas horas que pareceron 10 minutos pero de boa gana estaríamos outras dúas máis.

Desexarche tamén moita sorte nos novos proxectos, aínda que estamos seguras de que non a necesitas pola gran calidade que tes e pola gran persoa que es!

OBRADOIRO DE ILUSTRACIÓN CON CARLOS GALLEGO

 O pasado mércores tivemos a gran sorte de contar con CARLOS GALLEGO, que nos ensinou unha nova maneira de ilustrar e reciclar. Mirade que cousas tan bonitas:

OBRADOIRO DE ILUSTRACIÓN PARA FAMILIAS

 O vindeiro 29 de abril. ás 16:15 teremos a gran sorte de contar coa presenza de CARLOS GALLEGO, que impartirá un obradoiro de ilustración para familias e alumnado.

Esto é o que o artista di de si mesmo:

Son Carlos Gallego, ilustrador e deseñador gráfico. Traballo ilustrando libros de texto e de narrativa entre outros proxectos de publicidade e comunicación. Ademais de debuxar, encántame compartir as experiencias que aprendín durante a miña carreira e demostrar que calquera persoa pode crear fermosas imaxes de forma creativa. Ilustrar vai moito máis alá de saber ou non saber debuxar, por iso deseñei este taller de collage para facer chegar ó alumnado unha nova forma de representar o mundo que lle rodea.

Algúns dos seus traballos:

Se queredes ver máis, aquí vos deixamos a súa páxina web

O cartel da actividade:

Para poder asistir hai que anotarse en bufolector@gmail.com, indicando o nome do neno/a e o adulto acompañante que van participar no obradoiro. 

PRAZAS LIMITADAS!!!!!1

ANIMÁDEVOS!

ROSALÍA DE CASTRO

 O  luns celebramos o DÍA DE ROSALÍA. 

Mirade que mural tan chulo fixemos baixo a coordinación do Departamento de Dinamización:

CLUB DE LECTURA DE FAMILIAS

 Onte gozamos dun tempiño moi agradable ao redor do fantástico libro de Ledicia Costas, Golpes de Luz.

GOLPES DE LUZ de María

Ao rematar, Vanesa convidounos a merendar. Así da gusto!

VISÍTANOS ANTÍA YÁÑEZ

 Onte, o alumnado de cuarto tivo a gran sorte de poder falar con Antía Yáñez sobre o seu libro Plan de Rescate. 

A autora firmounos o exemplar da biblioteca.

DÍA DE ROSALÍA

Así de bonito quedou o noso mural para conmemorar o DÍA DE ROSALÍA. 

Se pinchades na imaxe poderedes ver o traballo de todo o cole coordinado polo departamento de Dinamización. 

 

CÓNTAME UN CADRO. Hugo e Lucía

Aquí chega a primeira historia sobre un cadro galego do século XX.
O autor é Manuel Aramburu. O cadro é de 1956 e titúlase "Camiño aos cruceiros de Combarro á Armenteira".